السمنه عند الكلاب

تقريبا من 25% ل 35% من الكلاب في العالم تعاني من  السمنه او زياده الوزن وللاسف السمنه او الزياده في الوزن بتكون سبب لأمراض كتير جدا سواء للانسان او الحيوان زي مرض السكر و أمراض القلب و والتهابات المفاصل و تعتبر الامراض دي من اكتر الامراض المصاحبه للسمنه او الزياده في الوزن

الاول لازم نعرف يعني ايه الكلب يعاني من السمنه او زياده الوزن

معنى كلمه كلب سمين يعني الكلب زائد عن الوزن المناسب له بنسبه 30% فما أكثر و عشان أعرف الوزن المثالي للكلب ممكن نتفرج على الصوره 

هل الوزن الزياده هيأثر على نفسيه الكلب او على تعاملاته؟

بالتأكيد ….. معظم الكلاب الزايده في الوزن بتواجه صعوبه في الحركه او القفز او ركوب العربيات والأكبر انهم بيرفضوا الحركه اصلا و اوقات بيكون ده مصاحب بنهجان شديد بعد أي مجهود ولو بسيط

ايه الاسباب اللي ممكن تودي للكلب بانه يكون سمين؟

السمنه معناها تراكم ال caloris في الجسم على هيئه دهون و ده بيكون سببه أكل زياده اخده الكلب غير متوازن
ولكن في بعض الامراض اللي ممكن تودي لزياده الوزن زي أمراض الغده الدرقيه او بعض الغدد الصماء الاخرى
وعشان كده لازم قبل ما نبدا نظام غذائي للكلب او القط لازم نفحصه كويس الاول

هل عمليات التعقيم بتأثر على وزن الحيوان؟

للاسف عمليات التعقيم بتودي في بعض الاحيان لزياده الوزن و للاسف مافيش اسباب علميه واضحه لسبب الزياده دي حتى و ان كان الكلب بياكل كميه قليله من الاكل يوميا

طيب اعمل ايه عشان لكلبي او قطتي؟

لازم تسال طبيبك عن افضل نوع اكل ايه و افضل نظام غذائي ايه يخص حاله كلبك

لازم الكشف الدوري على حيوانك الاليف عشان تتفادى الامراض الموديه للسمنه

يفضل الكلب يمارس الرياضه وليكن المشي مابين 30 ل 45 دقيقه يوميا

يفضل توقف اكل البيت و ياكل اكل جاف مخصص له فقط

لو التزمنا بالتعليمات دي تأكد ان الكلب او القط هيقل وزنه بسرعه و العامل الاكبر بيكون في الاكل اكتر من الرياضه